يورا بيلمز يوللار مني

۱۳۸۳/٤/٢۱
 

                    مدينه گولگون

                           ۱۹۲۶-۱۹۹۱

شاعر مدينه گولگون اصلی آذربايجانين اردبيل شهرينده دير.فقط او اوزون زامان تبريز شهرينده ياشاميش،ايلک شعر لرينی ده تبريز ده چاپ ائدير ميش.هله ايلک شعر لريندن وطن،خلق حاقيندا و او زامانکی رژيمين ارتجاعچی ماهيتينی افشا ائده ن  فيکير لر يوروتدويو اوچون باشقا قلم صاحيب لری کيمی محمد رضا شاهين مامور لاری طرفيندن تعقيب ائديلن مدينه گولگون ده دوغما وطنينی ترک ائتمه يه مجبور اولور.

گوزی آذربايجانينا پناه گتيرن مدينه گولگون باکيدا عالی مکتب گورتارسا دا هچ بير دولت ايشينده ايشله ميش،آنجاق بديعی ياراديجيليقلا مشغول اولونموش،شعرلری اينگليس ،فرانسه ،فارس،مجار و اونلارجا باشقا خلق لرين ديل لرينه ترجمه ائتدير ميشدير.

مدينه گولگون سوزون اصل معناسندا وطن سئوه ر شاعرايدی.بوتون عومرو بويو دوغما يوردونون حسر تيله ياشاميش،واونا قوووشماش اوچون جان آتان شاعر اوره ک يانغيسی ايله چوخ تاثير لی حسرت نغمه لری يازميشدير.اونون اثر لرينين دئمک اولار کی،هاميسی ايران آذربايجانينا،تبريزه حصر اولونموش شعر لر و منظومه لردير.

آذربايجان خلقی نين شاعر قيزی مدينه گولگون بير عومور حسرتينی چکديگی وطنه گئتمک اوچون داها آرتيق امکان يارانديغی گونلرده ياراديجيليغی نين کامل دورونده تبريز قوشماق آستاناسيندا دونياسينی دگيشدی،اونون حسرتلی قلبی داياندی ،ابدبته قوووشدو.شاعرنين واخت سيز اولومو مناسبتيله باکيدا نشر اولونان روزنامه و مجله لر دگرلی مقاله لر چاپ ائتديلير،شعر لريندن نمونه لر وئر ديلر.آرزو اولونور کی ، هر ايکی آذربايجاندا ان چوخ اوخونان و سئويلن  مدبنه گولگون حاقيندا اونون دوغما وطنينده نشر اولونان روزنامه  مجله لر ده مقاله لر چاپ ائتسين،،شعر لريندن نمونه لر وعرسين .چونکی مدينه گولگون آذربايجان حقی نين حياتيندا،ادبياتيندا هميشه ياد اولوناجاق،هئچ زامان اونودولمايان شاعر لردن دير.            

                                      بالاش آذر اوغلو(مدينه گولگونون حيات يولداشی)

 

دومان

[ خانه | آرشيو | پست الكترونيك ]