يورا بيلمز يوللار مني

۱۳۸۳/۳/٢٦
 

                                      

صمد وورغون و خان شوشينسكي

 

خانين اوره ك آچان،اينسانا ذؤوق وئرن ملاحت لي سسي ني خالق شاعيري صمد وؤرغون اؤز شعرينده محبت له ترنم ائتميشدير:

كؤنلوم كئچير قاراباغدان

     گاه بو داغدان گاه اؤ داغدان

                                         آخشام اوستو قؤي اوزاقدان

هاوالانسين خانين سسي

  قره باغين شيكسته سي!..

 

صمد وروغون خان شوشينسكي نين سسينه  صنعينه مفتون ايدي . اونون باكي دا، ايسترسه ده قاراباغدا قوردوغو مجليس لر خان سيز گئچمزدي . صمد هارا دعوت اولونسا ايدي چوخ واخت خاني اؤزوايله آپاراردي . بو ايكي دوستون سؤن گؤروشلري 1955 ـ اينجي ايل ايونون 18 ـ ده شوشادا ؛ عيسا بولاغيندا اولموشدور . صمد مني خانين دالينجا آغداما گؤندردي … من صمدين 09ـ61 نؤمره لي ((پوبئدا)) ماركالي ماشيني آغداما گئتديم … آغدامدا منه دئديلركي احمد آوار كندينده دير . كنده گلنده گؤرودوم كي خان توت آغاجي نين آلتيندا اؤتوروب توت يئيير . قارداشي آللاهيار ايسه چاي ايچير . خان مني گؤرجك تعجب له: ـ بؤي . ا فيري بالا (خان چوخ واخت نوازش له مني بئله چاغيردي ) سن هارا بورا هارا ؟

ـ آي جانيم سن بيژين بيري سن يول آزمازسان ـ سونرا ياري جيددي حالداسسلندي :

ـ خير اولا ؟

ـ دوستون گليب سني عيسابولاغيندا گؤزله يير

چوخ مارقلي دير كي خان سوروشمادي كي ، هانسي دوستوم . در حال بيلدي كي ، صؤحبت صمد وورغوندان گئدير .

    ـ آي جانيم صمد اؤجونون ايچين ايله ميشدير ؟ نه بيلدي كي من بوردايام .

عيسا بولاغيندا بو ايكي دوست ائله صميمي ، ائله مهربان قؤجاقلاشديلار كي ائله بيل اؤزون ايللر بير ـ بيرني حسرتينده اؤلان دوغما قارداشلار گؤروشور دولر …

مجليس قيزيشدي ، خان صمدين ان چوخ سئوديگي ((ميزره حسين سه گاهي )) ني اؤخودو .

اؤزوده صمدين (( دونيا )) رديفلي سعيرني موغام اؤچون متن سيچميشدي :

 

اولدوزلار  هاوانين باغريني ده لير،

قايالي داغلاردان دومان يوكسه لير،

خياليم گئجه ني سالاما گلير،

چاپدير آتيني بير باشا دونيا،

يئرلره باخيرام باغچالي باغلي،

گؤيلره باخيرام قاپي سي باغلي

كاينات ايختيار،سيرلي-سوراقلي،

ازلدن يارائيب تاماشا دونيا.

بيرده گؤرورسن كي،اچيلاق سولور.

دوشونن بير بئيين،بير تورپاق اولور،

سيريني وئرمه ييرسيراشا دونيا،

ازل دن بئله دير چونكو،كاينات،

جاهان داييمي دير،عؤمورآمانات.

الدن-اله وفاسيز حيات،

بيز گلدي- گئده ريك،سن ياشا دونيا!

بولودلار داغيلير اوزاقدا پاي- پاي،

يئنه اؤز يئرينده يؤوارلانير آي،

فقط نه جلال وار،نه ده كي، هؤماي،

نه عؤموره آجييير، نه ياشا دونيا!

 

قايناق:خان شوشينسكي كيتابي،يازان فريدون شوشينسكي،

ايشيق نشرياتي،صحيفه 27،كريل اليفباسيندا

 

دومان

[ خانه | آرشيو | پست الكترونيك ]