يورا بيلمز يوللار مني

۱۳۸۳/۳/۱٤
 

                                          

                              نه اوچون ايسفنديار جاوانشيره

                           خان شوشينسکی دئييرلر ؟

 

     بو سوآلين جاوابی ماراقلی بير حاديثه ايله علاقه داردير.

   ۱۹۱۸نجی ايلده پائيز فصلينده؛قاراباغين باغلی-باغاتلی کندلزيندن بيری اولان 

 نوروزلودا؛گوللی-چيچکلی بير حيه طده گوزل مجليس قورولموشدو.ملاحت لی 

 سسی؛کدهرلی گوشه وخاللاری ايله سه گاه موغامينی اينجه بير ذووق ايله ايفاده  

 ائدن مشهور مغننی(خواننده) ايسلام عبداله يئف اوز شاگيردی ۱۶ ياشلی ايسفنديار

 جاوانشيرلا مجليسه دعوت اولونموشدو.توی باشلامازدان اول قوناقلار کولگه ليکده  

 دينجه ليرديلر.خوانندهخ ايسلام مجليس صاحيبينه دئدی:

 - باجی اوغلو؛پنجره ده گوزومه قرامافون ده يير.گلسنه بيز چايی ميزی ايچنه کيمی  

 بير-ايکی وال(صفحه) اوخوداسان.  ائو يييه سی:

 -باش اوسته- دئيه رک قرامافونو ايشه سالدی.تبريزلی ابوالحسن خان؛ کورد-شهناز 

 دا ووردوغو سورهکلی زنگوله لر قوناقلاری والئه ائتدی.

 گئنج ايسفنديار هله ۱۲-۱۳ ياشلاريندا اولارکن جاببار قارياغدی اوغلو نون؛سيد -

 شو شينسکی نين و ابوالحسن خانين قرامافون وال لارينی اوخوداردی.او؛قرامافون

 والاريندا جاببارين ماهور ونا؛سيدين سه گاه ينا؛وخصوصيله ابولحسن خانين----

  کورد-شهناز ينا؛ساعاتلارلا قولاق اسار؛بو بويوک صنعتکارلارين ووردوقلاری گوشه و 

 خاللاری اولدوغو کيمی تقليد ائده ردی.

 خواننده ايسلام شاگيردی نين ابوالحسن خانين صنعتينه اولان مئيلی نين بيلديگيندن

 اووزونو ايسفنديارا توتوب:

-ايسفنديار؛گلسنه سن ده بيزيم اوچون بير؛کورد-شهناز اوخوياسان-دئيه قاوالی اونا

 وئردی.ايسلاميين بو سوزو قوناقلارين اوره ييندن اولدو.هامی بير سسله:

-بو چوخ گوزل اولار- دئدی.

 ايسفنديار؛ ابوالحسن خانين اوخودوغو؛ کورد- شهناز ی سون درجه زيل سسله ايفا

 ائديب قاوالی ايسلاما وئردی.هامی حئيرته گليب دئديلر:

                       اصيل خان بو ايميش کی؟

 قوناقلار بير- بيرينه متعالی باخيشلارلا سوزدولر.وضعيتی بئله گوره ن ايسلامين

 شادليغی نين حددی-حدودی يوخ ايدی. او؛غرورلا ديللندی:

           -ايسفنديار! بوگوندن سنين آدين اولدو خان شوشينسکی

 بو مجليس دن سونرا خانين شوهره تی اوزاقلارا ياييلدی.    

      

    قايناق:آذربايجان خالق موسيقی چيلری؛خان شوشينسکی کيتابی؛ايشيق نشرياتی. صحيفه ۱۱. يازانی فريدون شوشينسکی (کريل اليفباسيندا)

  فريدون؛آذربايجانين مشهور موسيقی شوناسی دير.

 

   

      

 

 

 

 

 

 

دومان

[ خانه | آرشيو | پست الكترونيك ]