يورا بيلمز يوللار مني

۱۳۸۳/٢/٦
دورنالار مدينه گولگوندن

                                   

                                         مدينه گولگون

              آذربايجان ادبيات سماسی نين پارلاق اولدوزو مدينه خانيم گولگون

           اونوچ ايل بوندان قاباخ بئله بير گونلرده ابدی اولاراق دونيايا گوز يومدو.

           مدينه خانيم آذربايجانين ميللی حکومتينده فرهنگ ومدنيت چاليشقانلار

           يندانيدی او پيشه وری ايچون ادبيات و فرهنگ باره سينده موشاويره

           ائديردی.مدينه خانيم آذربايجانين ديرلی وآنلاقلی قادينلاريندان بيری دی

          کی آذربايجان مدنيتينه چوخ چاليشدی.مدينه خانيمين حيات يولداشی

          بالاش آذر اوغلی دی.بيردا مدينه خانيمين بير گوزل سعرين:دورنالار ---

          آديندا اوخوجولارا ايتحاف ائديره م:

                                        دورنالار

                   قاناد چالين گوی اوزونده يئنه سيز

                       ای باهارين دوستو؛ ياری؛ دورنالار

                      خبر وئرين دوغما ائلدن منه سيز

                     کونلوم راحات اولسون ؛باری دورنالار 

                                     ****

                      وطن دردی ؛ ائل حسرتی  ياماندير 

                      داغلاريمين باشی يئنه دوماندير 

                      اونوتمايين ؛ يالواريرام ؛ آماندير

                      او ايلک عهدی؛ ايلک ايلقاری دورنالار

                                      **** 

                     بير قايدادير قيش سوووشار؛ ياز اولار 

                     هر گوزه ل سوز اوره کلره يازيلار 

                     سوز ده وارکی ؛ سال داشا دا يازالار 

                    اولماز اونون هئچ توتاری؛ دورنالار

                                      **** 

                    کئچيب؛ گئده ر بو آيريليق ؛ بو حسرت

                    او اوميدله ياشاييرام من فقط

                    گون اولسون کی؛ اوتورپاقدا نهايت

                    قاريشلاياق ايلک باهاری ؛ دورنالار!

                                    **** 

                   گولگون دئيير : آرزولاريم دنيزدير

                   محبتيم سولار کيمی تميز دير

                  آرخام ائللر؛ فخريم دوغما تبريز دير

                   اوچون ؛ گئدين وطن ساری؛ دورنالار!... 

                                 **** 

  * * مدينه خانيمين شکيلين اينترنتده چوخ آختارديم و اونون شکيلين تاپا بيلمه ديم 

       بو شکيلی آراز درگی سيندن آلميشام و بوردا آراز درگيسيندن تشکور ائديره م.                                                                                                     

                                                

دومان

[ خانه | آرشيو | پست الكترونيك ]