يورا بيلمز يوللار مني

۱۳۸٢/۱٢/٢٠
شفا هی ادبياتيميز( ايکينجی بولوم)

آتالار سوزی ومثل لر

قيسا جمله لر ده يادا بير ايکی بيئتده بيان اولونموش حکمتلی سوز لره آتالار سوزو

دئيلر. بوحکمتلی سوزلر عصر لر بويو خالقيميزين ياشاييشيندا باش وئرميش مختلف

حادثه اثرينده يارانيبدير. بو حادثه لرين هر بيريسی دونه دونه تجربه اولونوبدور. اتالار

سوزو آدلانان حکمتلی سوزلر بو تجربه لرين و خاقيميزين اينام و اعتقادلاريندان آلديغی

تاثيرين نتيجه سی دير. بو سوزلرين مهم خصوصيتلرين بيری اونلارين قطعی حکم

وئرمه سی دير.

آز دی ؛ دوز دی

********
عاغيل باشدادير؛ لعل داشدا دير

********
جاوانليق باشدادير؛ قوجاليق غنيمت
**********
------------ بير مثل و اونون ايضا حی ------------------

گوی مينجيغيم کيمده دير ؛ منيم جانيم اوندا دير.


--------------- مثلين ايضاحی --------------------

قديم زامانلاردا بير کيشی نين دوققوز (۹) آروادی واريميش بو آروادلار

هميشه بير - بير لری ایله سوزلشير ميشلر.اونلار بيلمک ايسترديلر

کيشی ؛ آروادلاری نين هانسی سينی داها آرتيق سئويب ايسته يير.

هر دن ده کيشی ايله سوزلری گلردی. کيشی جوخ فيکير لشندن سونرا

بازارا گئديب؛ دوققوز دنه گوی مينجيق آلير.گيزلينده آروادلارين هره سينه

بير مينجيق وئريب هر بيريسينه دئيير سنی چوخ ايسته ييرم اونا گوره بو

مينجيغی سنه وئريره م.اونون صاباحی سی آروادلار يئنه ده سوزه گليرلر.

کيشی دئيير:

قولاغ آسين من سيزه بير سوز دئييم. آروادلار ساکيتله شيب گوزله ييرلر کی

کيشی نه دئيه جکدير؛ کيشی دئيير:

گوی مينجيغيم کيمده دير؛ منيم جانيم اوندا دير.

آروادلار بونو ائشيديب؛ هر بيری بئله فيکر ائدير کی کيشی اونو داها چوخ سئوير.


****** تاپماجالارين جاوابی *******

۱-بيتگی (بوغدا؛ آرپا؛ مئيوه آغاجی و...)

۲- ايلان (مار)

۳-چاريق: آياق قابی

۴- سهنگ



دومان

[ خانه | آرشيو | پست الكترونيك ]