يورا بيلمز يوللار مني

۱۳۸٢/۱٢/۱٤
يورا بيلمز يوللار منی خالق شاعيری مدينه گولگون دن
گاه آراندا؛گاه داغدايام؛

گاه چمنده؛گاه باغدايام؛

ياخيندايام؛اوزاقدايام؛

يورا بيلمز يوللار منی!

*******
گاه باهار؛گاه قارلی قيشام؛

بوحياتدان دويماميشام؛

سفرده يم سحر - آخشام؛

يورابيلمز يوللار منی!

*******
گاه آنالار آنام اولار

گاه بولاقلار لايلام اولار

او لای لای لار دونيام اولار؛

يورا بيلمز يوللار منی!

*******
گاه اوميديم چيچکله نر؛

گاه بير گونوم؛ ايله دونر؛

حيات دنيز؛ قالخار ائنر؛

يورا بيلمز يوللار منی!

*******
گاه بولود تک دولار کونلوم؛

گاه تک - تنها قالار کونلوم؛

گاه بلدچی اولار کونلوم؛

يورا بيلمز يوللار منی!

*******
گاه قوشلار لا ياريشارام؛

گاه سئللره قاريشارام؛

دره ائنيب داغ آشارام؛

يورا بيلمز يوللار منی!

*******
نغمه دولو بير اوره يم

گاه جوشغونام: گاه کووره يم؛

بير اوميدلی گله جه يم؛

يورا بيلمز يوللار منی!

*******
با بام؛ قورقودون سازی يام؛

ننه م تومروسون قيزی يام؛

زامان- زامان يآناسی يام؛

يورا بيلمز يوللار منی!

*******
ائل آرخام دير دار آياقدا؛

بير معنا وار ياشاماقدا؛

دوغولدوغوم بوتور پاقدا؛

يورا بيلمز يوللار منی!

*******
گاه دونه رم سونمز اودا

آرزوم دنيز ؛ من بير آدا؛

آند ايچيره م بو حياتا ؛

يورا بيلمز يوللار منی!


دومان

[ خانه | آرشيو | پست الكترونيك ]